Тошкент вилоятининг Янгийўл туманида 22 сентябрь куни соат 19:09 атрофида «Ёшлик» маҳалла фуқаролар йиғини Гулистон кўчасида жойлашган 100 ва 102-уйларда ёнғин юз берган.
Давлат ёнғин хавфсизлиги хизматидан хабар беришларича, дастлабки ўт ўчириш бўлинмалари воқеа жойига хабар келиб тушганидан кейин етти дақиқа ўтиб етиб борган; оловни ўчиришга жами олтита бўлинма жалб этилган.
Кўрилган тезкор ҳаракатлар натижасида ёнғин тўлиқ ўчирилган. Ёнғин оқибатида 100-уйнинг 60 квадрат метр майдонида, 102-уйнинг эса 80 квадрат метр майдонида томи, шифти ва ички жиҳозлари ёниб зарарланган.
Ёнғиндан уйларнинг жами 500 квадрат метр майдонлари сақлаб қолинган. Тан жароҳати олганлар ва ҳалок бўлганлар қайд этилмаган. Моддий зарар миқдори аниқланмоқда.
«Ҳодисанинг тахминий сабаби — электр симларидаги қисқа туташув», — дея хабар бермоқда Давлат ёнғин хавфсизлиги хизмати.
Мавзуга доир: Қибрайда қисқа туташув оқибатида икки ҳовли ёниб кетди
Изоҳ (0)