Яна бир талаба — Музаффар Тожибоевнинг маълум қилишича, ўзбекистонлик талабалар дўконга чиққанида уларни уриб, пулларини олиб қўйиш, пичоқ билан таҳдид қилиш ҳолатлари юз берган. Зўравонликлар университет ҳудудида ҳам бўлган — олийгоҳда бўлган ҚВЗ мусобақаси вақтида маҳаллий ёшлар залга кириб, ўзбекистонлик талабаларни урган.
«Талабалар видеомурожаатда ётоқхонадан ташқарига чиқа олмаётганини айтиб, Ўзбекистон Ташқи ишлар вазирлигидан ёрдам сўраган», — дейилади «Xabar.uz» хабарида. Талабаларнинг айтишича, улар ушбу ҳолатлар юзасидан маҳаллий полицияга ҳам, Ўзбекистоннинг Қозоғистондаги дипломатик ваколатхоналарига ҳам мурожаат қилган, лекин тайинли ёрдам ололмаган.
Ҳозирча ўзбекистонлик талабаларнинг ушбу видеомурожаатлари юзасидан Ўзбекистон расмийлари ҳам, Қозоғистон томони ҳам бирор изоҳ берганича йўқ.
Изоҳ (0)