Ўзбекистоннинг Душанбедаги элчихонаси 2022 йил 1 октябргача янги бинога эга бўлади. 18 сентябрь куни Вазирлар Маҳкамасининг тегишли қарори қабул қилинди.
Ҳужжатда қайд этилишича, Тожикистон ҳукумати Ўзбекистоннинг мамлакатдаги элчихонаси бинолари комплексини қуриш ва жиҳозлаш учун Душанбе шаҳрида умумий майдони 1,2 гектардан иборат ер майдони ажратган.
Бу ерда элчихона биноси, фуқароларни консуллик масалалари бўйича қабул қилиш учун алоҳида бино, элчи учун қароргоҳ, назорат-ўтказиш пунктлари, муҳандислик-техник блок, спорт иншоотлари, ёпиқ гараж, элчихона ходимлари ва ташриф буюрувчилар учун очиқ автотураржой каби объектлардан иборат бинолари комплекси қурилади ва жиҳозланади.
Маълумот учун, Тожикистоннинг Ўзбекистондаги элчихонаси янги биносини қуриш учун 2018 йили Тошкентнинг Себзор даҳасида ер майдони ажратилган.
Изоҳ (0)