Президент фармони билан Ўзбекистон Республикасига ташриф буюрувчи хорижий фуқароларнинг айрим гуруҳлари учун қўшимча кириш визалари тоифаларини жорий этиш рўйхатига қўшимча киритилди. Бу ҳақда «Ҳуқуқий ахборот» канали маълум қилди.
Киритилган қўшимчага кўра, рўйхатда мавжуд бўлган «Vatandosh», «Student visa», «Academic visa», «Medical visa», «Piligrim visa»лар қаторига энди «Investment visa» ҳам қўшилади.
«Investment visa» Ўзбекистон Республикаси иқтисодиётига белгиланган БҲМнинг 8 500 баравари миқдорида инвестиция киритган хорижий фуқаролар ва фуқаролиги бўлмаган шахсларга расмийлаштирилади. Ушбу визанинг амал қилиш муддати уч йил.
Изоҳ (0)