Бош Прокуратура ҳузуридаги Иқтисодий жиноятларга қарши курашиш департаменти Андижон вилоятининг Бўз тумани бўлими ҳамда бошқа ҳуқуқни муҳофаза қилувчи идоралар ходимлари билан ҳамкорликда ўтказган тезкор тадбир натижасида «Халқ банки»нинг туман филиали бошқарувчиси А.А. пора олаётган вақтида ашёвий далиллар билан қўлга туширилган. Бу ҳақда Бош Прокуратура хабар берди.
А.А. «М» номли МЧЖ билан тузилган шартномага асосан ўз маблағлари ҳисобидан иссиқхоналарни қуриб битказганлиги учун Ўзбекистон фермер, деҳқон хўжаликлари ва томорқа ер эгалари кенгаши жамғармасидан ажратилган 66 миллион сўмни ушбу корхона ҳисоб рақамига ўтказиб бериш эвазига 10 миллион сўм пора талаб қилиб, уни олаётган вақтида ушланган.
Мазкур ҳолат юзасидан А.А.га нисбатан Ўзбекистон Республикаси Жиноят Кодексининг 210-моддаси «Пора олиш» ҳолати бўйича жиноят иши қўзғатилган ва тергов ҳаракатлари олиб борилмоқда.
Изоҳ (0)