Тошкентдаги Алишер Навоий номидаги Ўзбекистон давлат катта театри олдида 20—21 сентябрь кунлари соат 19:30 да Open Air—2019 симфоник мусиқа концерт дастури бўлиб ўтади.
Шу муносабат билан, Тошкент шаҳар ҳокимлиги матбуот хизматидан маълум қилишларича, 20—21 сентябрь кунлари соат 17:00 дан 23:00 гача қуйидаги кўчалар барча турдаги транспорт воситалари ҳаракати учун вақтинча ёпилади:
- Матбуотчилар кўчасининг Зарафшон кўчасидан Буюк Турон кўчасигача бўлган қисми;
- Буюк Турон кўчасининг Матбуотчилар кўчасидан Ислом Каримов кўчасигача бўлган қисми;
- Ислом Каримов кўчасининг Зарафшон кўчасидан Буюк Турон кўчасигача бўлган қисми;
- Зарафшон кўчасининг Матбуотчилар кўчасидан Ислом Каримов кўчасигача бўлган қисми;
- Бухоро кўчасининг Зарафшон кўчасидан Буюк Турон кўчасигача бўлган қисми.
Изоҳ (0)