«Яндекс.Транспорт» дастурида автобусларнинг ҳам белгиси пайдо бўлди. Аввалроқ, «Яндекс» Тошкентдаги транспортлар ҳаракатини «Яндекс.Харита»да кўрсатаётгани ҳақида хабар берилганди. Бунинг учун транспорт белгисини «Яндекс.Харита» веб-версияси ҳамда мобил дастурида ёқиш керак, деб хабар беради Spot.
«Яндекс.Транспорт», «Яндекс» компаниясининг алоҳида хариталаш сервиси бўлиб, кўпроқ 2014 йилда йўлга қўйилган жамоат транспорти йўловчиларининг эҳтиёжларига қаратилган.
Жамоат транспортининг ҳаракатланувчи белгиси «Яндекс» хариталарида биринчи бор 2012 йилда пайдо бўлган. Икки йил давомида ўтказилган тадқиқотлар ушбу функциядан деярли ҳеч ким фойдаланмаслигини кўрсатди — фойдаланувчиларнинг 0,01 фоизи белгини ишлатган, холос.
«Бизнинг хариталаримиз ўша вақтларда тирбандликлар жуда кўп учрагани сабаб автомобиль ҳайдовчилари учун муҳим эди, ҳаракатланаётган транспорт оқимини бир ойда мингга яқин фойдаланувчи ёққан. Кўпчиликнинг айтишича, интерфейс сабаб аудитория кўпаймаган», — дейилади компания хабарида.
2018 йилнинг ёзида, ўша вақтда «Яндекс.Такси»нинг бошқарув директори бўлган Даниил Шулейко компания Тошкентда «Яндекс.Транспорт»ни ишга туширишга тайёр эканлигини маълум қилганди.
Ўзбекистонда худди шу турдаги маҳаллий маҳсулот — МйБус ва ТашБус дастурлари ҳам бор эди, бироқ 2019 йилнинг мартида улардан бири тўлиқ ёпилиб кетди, иккинчиси эса қайта ишлаш учун тўхтатиб қўйилди.
Изоҳ (0)