АҚШ ҳукумати Америка махсус хизматларининг собиқ ходими Эдвард Сноуден ўзининг «Шахсий иш» номли китобини чиқаргани сабаб унинг устидан судга даъво аризасини берди. Бу ҳақда АҚШ адлия вазирлигига таяниб, Meduza хабар қилди.
Даъво муаллифларининг ҳисоблашича, Сноуден китоб чиқариб, разведка ҳақида баёнот берган ва МРБ ҳамда МХАнинг махфийлик тўғрисидаги келишувини бузган.
Даъвогарлар Сноуденнинг китоби сотилмаслигини эмас, балки китоб савдосидан тушадиган барча маблағлар АҚШ ҳукуматига берилишини талаб қилмоқда.
Бунга жавобан Эдвард Сноуден ўзининг Twitter’даги саҳифасига Amazon’да китобни харид қилиш мумкин бўлган ҳаволани жойлаштириб, «Ҳукумат сизларнинг ушбу китобни ўқишингизни хоҳламаяпти», дея изоҳ қолдирган.
«Шахсий иш» китоби 17 сентябрдан сотувга чиқди.
Изоҳ (0)