Ислом инқилоби соқчилари корпуси Ҳўрмуз бўғозида Бирлашган Араб Амирликлари (БАА) байроғи остида сузиб бораётган кемани эгаллади, дея хабар бермоқда Fars агентлиги.
Кема экипажининг 11 нафар аъзоси қўлга олинган, улар ёнилғи контрабандасида айбланмоқда.
Эрон ёз бошидан бери Форс кўрфази минтақасида бир неча бор танкерларни ушлаб қолди, бу эса унинг АҚШ билан муносабатлари кескин совуқлашишига олиб келди.
Яманлик исёнчи хусийларнинг томонидан 14 сентябрь куни дронлар воситасида амалга оширилган ҳужум оқибатида Саудия Арабистонининг Saudi Aramco давлат компаниясининг нефть қазиб олувчи объектларига зарар етган эди.
АҚШ ушбу ҳужумларда хусийларни қўллаб-қувватлаётган Эронни айблаб чиқди, расмий Теҳрон эса Саудиядаги ҳодисага ўзининг алоқадорлигини рад этмоқда.
Изоҳ (0)