Бугун,

  • USD 11095.31
  • RUB 173.84
  • EUR 10772.44

АҚШ ҳукумати Saudi Aramco объектларига қилинган ҳужум ортида хусий жангарилари турганига шубҳа билан қарамоқда, давлат департаменти ушбу ҳаракатларни Эрон амалга оширган деб гумон қилмоқда. Бу ҳақда Washington Post’га асосланиб RBC хабар берди.

Фото: «Marketwatch»

Фото: «Marketwatch»

АҚШ президентининг администрацияси Саудия Арабистонининг Saudi Aramco нефть компаниясига дронлар билан уюштирилган ҳужумга «жиддий жавоб» қайтармоқчи.

Washington Post’нинг ёзишича, 15 сентябрь, якшанба куни АҚШ президенти Дональд Трамп Пентагон раҳбари Марк Эспер билан учрашган. АҚШ ҳукуматининг ишчи талқинига кўра, хусий жангарилари ҳужумда иштирок этмаган ёки уларнинг номаълум шериклари бўлган. Бундай позицияда туришининг асосий сабаби ҳужум характерининг «жадал» суръатларда амалга оширилганлигида.

Аввалроқ, Дональд Трампнинг ўзи АҚШга ҳужумлар ортида ким тургани маълум экани ва Вашингтон жавоб қайтаришга тайёрлиги, бироқ Ар-Риёддан қиролликнинг ҳужумлар ортидаги кучлар бўйича маълумотлари кутилаётганини билдирганди.

АҚШ давлат котиби Майк Помпео ҳужумлар ортида Эрон тургани ва «ҳаракатларнинг Ямандан туриб амалга оширилгани юзасидан далиллар йўқлигини» таъкидлагач, Эрон ташқи ишлар вазири Жавод Зариф бунга жавобан Помпеони ёлғончиликда айблаганди.

«АҚШ ва унинг мижозлари ҳарбий устунлик ғалабага олиб келади «сохта тушунчаси»га алданиб Яманда қолиб кетди», — деб ёзганди вазир Twitter’да. Унинг сўзларига кўра, Эроннинг ушбу ҳужумларда айбланиши ҳалокатга якун ясамайди.

Эслатиб ўтамиз, Saudi Aramco’га ҳужум 14 сентябрь куни тунда рўй берган. «Ансоруллоҳ» шиа ҳаракати хусийлари дронлар билан амалга оширилган ҳужумлар ортида турганини тан олган. Ҳужум натижасида Ар-Риёд нефть ишлаб чиқаришни камайтирди, бу хом ашё савдосида нархлар ўсишига олиб келди. Савдолар очилгандан сўнг 16 сентябрда Brent фючерс маркасидаги нефть нархи 13,86%, баррель учун 69,91 доллар, WTI маркасидаги нефть нархи 11,23% га, баррель учун 61,79 АҚШ долларига ошди.

Изоҳ
Асосий янгиликлар
Дунё
Вафотидан кейин тақдирланган Тупак Шакур, Исроил армиясига тош отаётган фаластинлик, пичоқланган болалар — 8 июнь суратлари
Қозоғистон
Қозоғистонда одамлар орасида Сибир яраси аниқланди
Дунё
БМТ Фаластинда содир этилган уруш жиноятлари учун Исроилни айбдор деб топди