«Тошшаҳатрансхизмат» компанияси 15 сентябрь куни Тошкент шаҳар жамоат транспорти қатновларида юз берган узилишлар юзасидан изоҳ берди. Компания изоҳида таъкидланишича, якшанба куни ҳақиқатан ҳам «турли омиллар сабаб» аксарият йўналишларда автобуслар ҳаракат жадвалидан кўра камроқ ҳаракат қилган.
«Тошшаҳартрансхизмат»нинг изоҳида бунга айнан қандай омиллар сабаб бўлгани очиқланмаган. Компания 15 сентябрдаги узилишлар юзасидан қўшимча ахборот берилишини маълум қилиб, 16 сентябрь, душанба кунидан бошлаб пойтахтда автобуслар яна белгиланган асосида ҳаракат қилишини билдирган.
«Тошшаҳартрансхизмат» компанияси жамоаси ҳамиша бир мақсад сари интилади. У ҳам бўлса йўловчиларга сифатли хизмат кўрсатишдир. Айниқса, дам олиш кунлари келгуси ҳафта учун тайёргарлик кўриш, автобусларни техник соз ҳолда йўналишга чиқариш, ёқилғи масалаларини ўз вақтида ҳал этиш мақсадида кечаю кундуз самарали меҳнат қилишларига тўғри келади.15 сентябрдаги дам олиш куни ҳам «Тошшаҳартрансхизмат» жамоаси учун синовларга бой бўлди. Айниқса, турли омиллар сабаб аксарият йўналишларда транспорт воситаларининг ҳаракат жадвалидан камроқ ҳаракат қилгани ва бу турли ижтимоий тармоқ ва жамоатчилик ўртасида бироз норозиликларга ҳам сабаб бўлди.
Йўналишлардаги 15 сентябрь куни кузатилган узилишлар тўғрисида батафсил маълумот берилади. Ана шундай ҳолатларнинг олдини олиш мақсадида жамоа масъулиятни икки карра оширди. Жамият томонидан эртанги кун (16 сентябрь, душанба) учун барча йўналиш автобусларини жадвал асосида чиқариш учун керакли ишлар амалга оширилди.
16 сентябрдан бошлаб автобус қатновлари яна белгиланган жадвал асосида ўз фаолиятини давом эттиради.
Шу ўринда, азиз йўловчиларимиз ва ижтимоий тармоқ вакилларидан сўраб қолардик: жамоат транспорти, айниқса автобуслар билан боғлиқ муаммолар юзага келганда, турли асоссиз маълумотларга таянмасликларини, жамиятга мурожаат қилиб вазиятга ойдинлик кирицалар. Зеро, ҳар бир мулоҳаза жамоатчиликда салбий фикр уйғотиши мумкин.
Изоҳ (0)