«Тошкентда бугун энг ҳақиқий транспорт инқирози юз берди». Пойтахтда автобуслар қатновида «мислсиз катта» узилишлар юз бергани маълум қилинди

Бугун, 15 сентябрь куни пойтахтда энг ҳақиқий транспорт инқирози юз берди: ҳаддан ташқари кўп автобуслар йўналишларга чиқарилмади, ҳатто марказий ва зарбдор йўналишларда ҳам оралиқ вақт мислсиз узайиб кетди, айрим йўналишлар, афтидан, бугун мутлақо ишлагани ҳам йўқ ёки фақат куннинг биринчи ярмида ишлади, чунки тушдан сўнг кўплаб марказий бўлмаган йўналишларда автобус мутлақо бўлмади.

Оқшомга яқин эса ҳатто марказий йўналишлар ҳам батамом битиб, ҳозирги вақтда (маҳаллий вақт билан соат 19:26 да) ер усти транспорти билан қаергадир етиб олиш имконсиз. Кўплаб йўловчилар нима бўлаётганини тушунмаяпти, нима учун автобуслар бунчалик вақтли автосаройларга қайтиб кириб кетди ўзи? Табиийки, бу ҳолат ҳозир автобус бекатларида тўпланиб, ҳеч қаерга кета олмай турган одамларнинг ҳақли эътирозига сабаб бўлмоқда.

Улар — йўловчиларни қандайдир йўл билан бўлса-да огоҳлантириши, убугун қандайдир жуда жиддий қийинчиликлар юзага келиб, оқибатда йўналишларга мумкин бўлмаган даражада кам автобуслар чиқарилганини тушунтириши керак бўлганлар эса жим. Йўловчилар бунга руҳан тайёр бўлиши, ўз ҳаракатларини олдиндан режалаштира олишлари, автобус кутиб бекорга вақт йўқотмаслиги учун ҳам огоҳлантириш лозим эди.

Энди нима бўлади? Бир олам ғазабнок йўловчилар — кимнингдир дам олиш куни оқшомидаги режалари барбод бўлган, кимдир эса шунчаки ишдан чиқиб, уйига кетолмай ҳалак. Эртага, душанба куни нима кутайлик? «Тошшаҳартрансхизмат», ҳозир тинимсиз шикоят йўллаётган дарғазаб йўловчилар номидан сенга бундай «ғамхўрлик» учун «раҳмат» айтамиз!

Telegram’даги «Ко дну» канали

«Пойтахт жамоат транспорти тизимида юзага келган муаммолар ҳақида, улар бугунгидек етарли даражада кенг кўламли ва глобал миқёсга чиққанида ҳам, ҳеч қанақасига ва бирор жойда ахборот бериш одат тусига кирмаган. Худди ҳаммаси яхши ва ҳеч нарса бўлмагандек кўриниш осонроқ».