Видео: Навоийда ЙТҲни расмийлаштираётган ЙПХ ходими иккинчи ЙТҲнинг қурбонига айланишига бир баҳя қолди

Навоий вилоятида йўл-транспорт ҳодисасига учраган автомобилларга учинчи бир автомобиль келиб урилди. Иккинчи ҳодиса оқибатида йўл-патрул хизмати ходими биринчи ЙТҲ оқибатида шикастланган машина остида қолиб кетишига бир баҳя қолди.

Ҳодиса видеоси Telegram’даги каналларда эълон қилинган. Видеода иккинчи ЙТҲда келиб урилган Nexia йўлдан чиқиб кетганини, унинг ҳайдовчиси ҳушсиз эканини кўриш мумкин. ЙПХ ходими эса ҳодиса оқибатида жиддий шикастланмаган.

Ушбу ҳодиса юзасидан ҳозирча расмий ахборот берилганича йўқ.