Россиялик таниқли автоблогер, «Smotra.ru» портали асосчиси Эрик Давидич янги — D3 форматидаги тест-драйвларни суратга олиш учун 12 сентябрь оқшомида Тошкентга учиб келди.
UzNews’нинг хабар беришича, Президент Шавкат Мирзиёевнинг куёви Отабек Умаров россиялик автоблогерга навбатдаги автошарҳни суратга олиш учун премиум-классга мансуб автомобилларни тақдим этган.
Автоблогерга тақдим этилган автомобиллар орасида Mercedes AMG GT 4, Brabus Maybach 900 ва Bentley бор. Бу ҳақда Эрик Давидичнинг ўзи Instagram‘даги саҳифасида хабар қолдирган.
https://www.instagram.com/p/B2U1oYKIy9b/
«Омадимиз келди, биз бир эмас, танлаб олиш учун бир неча машинани топиб бера оладиган одамга дуч келдик, ваҳоланки кўпчилик: ‘Давидич, Ўзбекистонда ҳеч нарса тополмайсан’, дейишганди. Бунинг учун Отабек Муҳаммадалиевич (Умаров)га раҳмат! Отабек, биз аъло даражадаги материални суратга олишга ҳаракат қиламиз!», — деб ёзган Давидич.
Эслатиб ўтамиз, 19 июль куни Отабек Умаров Тошкент кўчалари бўйлаб Tesla электромобилида соатига 201 километр тезликда ҳаракатлангани акс этган видеоёзув тарқалган эди. 20 июль куни Президентнинг куёви қонун барча учун баробар эканлигини таъкидлаб, тезликни соатига 40 километрдан ортиқ катталикда ошириб юборгани учун 1,8 миллион сўм жарима тўлаганини маълум қилган эди.
Изоҳ (0)