Москва маъмурияти шаҳарда махсус техника парадини ўтказди. Шаҳарнинг марказий кўчаларидан бири — Садовое ҳалқа йўли бўйлаб автобуслар, таъмирлаш хизматлари ва тез ёрдам автомобиллари, тозалаш, қутқариш ва ўт ўчириш техникалари, шунингдек, ретроавтомобиллар — жами 699 дона машина ўтди. Батафсил — «Коммерсантъ» тайёрлаган фоторепортажда.
Махсус техника паради маҳаллий вақт билан соат 11:00 да Сахаров шоҳ кўчасидан бошланиб, Садовое ҳалқа йўлида якунланди.
Москвада шаҳар хизматлари техника паради илк бор 2016 йили ташкил этилган ва шу каби парадларнинг энг каттаси сифатида Гиннесснинг рекордлар китобидан ўрин олган эди — ўшанда парадда 662 та махсус техника қатнашган эди.
Бу йилги парадда салкам 700 та техника қатнашди, улар орасида ўт ўчирувчи, тозаловчи, таъмирлаш хизматлари машиналари, жамоат транспорти, қутқарув техникаси ва бошқалар бор.
Айни вақтда хизмат кўрсатаётган машиналардан ташқари «Москва транспорти» музейида сақланаётган ретроавтомобиллар ҳам парадда қатнашди.
Шаҳар коммунал хизматлари техника парадида қатнашаётган автобуслар.
Парад якунига етгач, Сахаров шоҳ кўчасида кўргазма ташкил этилган.
Кўргазма меҳмонларида турли хизматларнинг 200 дан ортиқ машиналарини томоша қилиш имкони мавжуд.
Парад муносабати билан Сахаров шоҳ кўчасининг бир қисми 13 сентябрь соат 21:00 дан 15 сентябрь соат 20:00 гача транспорт ҳаракати учун тўлиқ ёпилган.
Кўргазма меҳмонларига, шунингдек, экстремал вазиятлардаги авиация имкониятлари ҳақида ҳам маълумот берилган.
Сахаров шоҳ кўчасидаги кўргазмада турган, «Камаз» базасида ишлаб чиқилган йўл ювиш машиналари.
Кўргазмада намойишга қўйилган ўт ўчириш машиналари.
Изоҳ (0)