Тошкент вилояти ИИББ ЙҲХ бошқармасининг жойлардаги бўлимлари томонидан мажбурий техник кўрик якунлари таҳлил этилди. Бу ҳақда «Дарё»га бошқарма матбуот хизмати маълум қилди.
Таҳлил якунларига кўра, 319 та турли русумдаги транспорт воситаcи 2019 йилги мажбурий техник кўрикка тақдим этилмаганлиги аниқланди. Шундан 85 таси таъмирталаб ҳолда эканлиги, 60 таси транспорт воситасидан фойдаланишга эҳтиёж йўқлиги сабабли фуқаронинг уйида турганлиги, 30 таси номаълум сабабларга кўра, 68 таси ҳозирда вақтинчалик жарима майдончасида сақланаётганлиги ҳамда 76 таси фойдаланиш учун яроқсиз ҳолда бўлганлиги сабабли техник кўрикка тақдим этилмаганлиги маълум бўлди.
Жорий йил сентябрь ойи 10 иш куни мобайнида бир ва икки йилдан ортиқ муддатда техник кўрикдан ўтмаган 20 та транспорт воситаси мажбурий техник кўрикка тақдим этилиши таъминланди. Фойдаланиш учун яроқсиз ҳолга келган 15 та транспорт воситаси ЙҲХ хизмати рўйхатидан ўчирилди, яна 18 та транспорт воситасини рўйхатдан ўчириш учун тегишли ҳужжатлар расмийлаштирилди.
Олиб борилган тадбирлар давомида мажбурий техник кўрикка тақдим этилмасдан ҳаракатланаётган 5 та, техник носоз ҳолда бўлган 2 та транспорт воситаси ҳайдовчиларига нисбатан маъмурий баённомалар расмийлаштирилди.
Тошкент вилояти ИИББ ЙҲХ бошқармасининг жойлардаги бўлимлари томонидан мазкур йўналишдаги чора-тадбирлар давом эттирилмоқда.
Изоҳ (0)