Санкт-Петербургда Burger King кафесининг ёрдамчи хонасида Ўзбекистон фуқаросининг жасади топилди. Бу ҳақда «Комсомольская правда» хабар берди.
Маълумотларга кўра, 14 сентябрь, шанба куни фастфуд ресторанининг директори ишга келган ва ёрдамчи хонага йўл олган, аммо эшик ичкаридан қулфланган бўлган. У бир соат давомида хонага киришга уринган ҳамда ўша ерда бўлиши керак бўлган ходимнинг уяли телефонига қўнғироқ қилган.
Эшик очилганда эса у ердан ресторан ошпази, 26 ёшли ўзбекистонлик эркакнинг жасади топилган.
Полиция видеокузатув камераларидаги ёзувлар, ресторанда бўлган ошпазнинг буюмлари ҳамда пичоқларини олган. Маълум бўлишча, ёрдамчи хонанинг эшигини фақат ичкаридан ёпиш мумкин бўлган. Кафега бостириб кириш ва жанжал белгилари аниқланмаган.
Ҳолат юзасидан текширув ишлари олиб борилмоқда. Ҳуқуқни муҳофаза қилиш идоралари ходимларининг тахминича, марҳум ошпазнинг ишида жиноий омил бўлмаслиги ҳам мумкин.
Изоҳ (0)