Moskvada avtobuslar, o‘t o‘chirish va tez yordam mashinalarining tantanavor o‘tishi uchun butun boshli bir ko‘cha yopildi. Buni qarang — rostdan arziydi!

Moskva ma’muriyati shaharda maxsus texnika paradini o‘tkazdi. Shaharning markaziy ko‘chalaridan biri — Sadovoye halqa yo‘li bo‘ylab avtobuslar, ta’mirlash xizmatlari va tez yordam avtomobillari, tozalash, qutqarish va o‘t o‘chirish texnikalari, shuningdek, retroavtomobillar — jami 699 dona mashina o‘tdi. Batafsil — “Kommersant” tayyorlagan fotoreportajda.

Maxsus texnika paradi mahalliy vaqt bilan soat 11:00 da Saxarov shoh ko‘chasidan boshlanib, Sadovoye halqa yo‘lida yakunlandi.

Moskvada shahar xizmatlari texnika paradi ilk bor 2016-yili tashkil etilgan va shu kabi paradlarning eng kattasi sifatida Ginnessning rekordlar kitobidan o‘rin olgan edi — o‘shanda paradda 662 ta maxsus texnika qatnashgan edi.

Bu yilgi paradda salkam 700 ta texnika qatnashdi, ular orasida o‘t o‘chiruvchi, tozalovchi, ta’mirlash xizmatlari mashinalari, jamoat transporti, qutqaruv texnikasi va boshqalar bor.

Ayni vaqtda xizmat ko‘rsatayotgan mashinalardan tashqari “Moskva transporti” muzeyida saqlanayotgan retroavtomobillar ham paradda qatnashdi.

Shahar kommunal xizmatlari texnika paradida qatnashayotgan avtobuslar.

Parad yakuniga yetgach, Saxarov shoh ko‘chasida ko‘rgazma tashkil etilgan.

Ko‘rgazma mehmonlarida turli xizmatlarning 200 dan ortiq mashinalarini tomosha qilish imkoni mavjud.

Parad munosabati bilan Saxarov shoh ko‘chasining bir qismi 13-sentabr soat 21:00 dan 15-sentabr soat 20:00 gacha transport harakati uchun to‘liq yopilgan.

Ko‘rgazma mehmonlariga, shuningdek, ekstremal vaziyatlardagi aviatsiya imkoniyatlari haqida ham ma’lumot berilgan.

Saxarov shoh ko‘chasidagi ko‘rgazmada turgan, “Kamaz” bazasida ishlab chiqilgan yo‘l yuvish mashinalari.

Ko‘rgazmada namoyishga qo‘yilgan o‘t o‘chirish mashinalari.