11 сентябрь куни соат 18:26 да Тошкент шаҳрининг Чилонзор тумани «Шуҳрат» МФЙ 19-даҳа 31-уйнинг 4-қаватидаги 8-хонадонда ёнғин бўлаётганлиги ҳақида ёнғин-қутқарув хизматига хабар тушган. Бу ҳақда ФВВ ЁХББ ОАВ билан ҳамкорлик қилиш бўлинмаси хабар бермоқда.
Содир бўлган ёнғинни бартараф этишга 2 та асосий ва 1 та махсус ёнғин ўчириш бўлинмалари жалб этилган. Кўрсатилган манзилга бўлинмалар соат 18:34 да етиб борган вақтда кўп қаватли уйнинг 4-қаватидан қуюқ тутун чиқаётганлиги маълум бўлган. Кўрилган тезкор ҳаракатлар натижасида ёнғин тезда бартараф этилиб, ёнғиндан уйнинг 27 квадрат метр майдони сақлаб қолинган ва аланга қўшни хонадонларга ўтиб кетиши олди олинган.
«Ачинарлиси, ёнғинни бартараф этиш вақтида уй эгаси (1-гуруҳ ногирони) 1963 йилда туғилган фуқаро С.С.нинг куйган ҳолдаги жасади топилган. Ёнғин оқибатида яшаш уйидаги 3 квадрат метр майдонда тўшак ёниб зарарланган. Ёнғиннинг тахминий сабаби сигарета чекишда эҳтиётсизлик», — дейилади хабарда.
Изоҳ (0)