10 сентябрь куни соат 00:35 да Тошкент шаҳри Шайхонтоҳур тумани «Ўрда» маҳалласи Абдулла Қодирий кўчасидаги йўл ўтказгич устида ҳаракатланиб кетаётган фуқаро Б.У.га тегишли бўлган «ГАЗ Соболь» русумли шахсий юк автомобилида ёнғин бўлаётганлиги ҳақида ёнғин-қутқарув хизматига хабар келиб тушган. Бу ҳақда ФВВ ЁХББ ОАВ билан ҳамкорлик қилиш бўлинмаси хабар бермоқда.
Воқеа жойига 2 та ёнғин ўчириш бўлинмалари соат 00:37 да етиб борган. Бўлинмаларнинг тезкор ҳаракатлари натижасида ёнғин зудликда бартараф этилган.
Тан жароҳати олганлар ва ҳалок бўлганлар йўқ. Ёнғин оқибатида «ГАЗ Соболь» русумли юк автомобилининг мотор ва салон қисми ёниб зарарланган.
«Ёнғиннинг тахминий сабаби мотор қисмидаги электр симларида қисқа туташув. Моддий зарар миқдори аниқланмоқда», — дейилади хабарда.
Изоҳ (0)