Хоразмнинг Хива туманида яшовчи Ю.Ж. ИИВ Жиноят қидирув бош бошқармасига ариза билан мурожаат қилиб, Тошкентда устачилик билан шуғулланишини, пойтахтда яшовчи бир шахс унинг олдига келиб: «Ишлаган пулингни ярмини берасан», деб қўрқитиб, 20 миллион сўм талаб қилаётганини маълум қилган.
Мазкур мурожаат юзасидан 3 сентябрь куни Чилонзор туманида ИИВ Жиноят қидирув бош бошқармаси ходимлари томонидан ўтказилган тезкор тадбир давомида, Тошкент вилоятининг Зангиота туманида яшовчи М.Ф. белгиланган манзилда 20 миллион сўм пулни олган вақтида қўлга олинган.
«Ҳозирги кунда мазкур ҳолат юзасидан Жиноят кодексининг 165-моддаси (товламачилик) 3-қисми билан жиноят иши қўзғатилиб, тергов ҳаракатлари олиб борилмоқда», — дея хабар бермоқда ИИВ Жамоатчилик ва оммавий ахборот воситалари билан алоқалар бошқармаси.
Изоҳ (0)