Пентагон раҳбари Марк Эспер Франция президенти Эммануэл Макроннинг Россияни Европадан узоқлаштирмаслик ҳақидаги сўзларига изоҳ берар экан, Москвага жаҳон саҳнасида ўз хатти-ҳаракатларини ўзгартиришни тавсия қилди, деб ёзади «Kommersant.ru».
«Россия ўзини АҚШ, Франция ва бизнинг НАТО бўйича бошқа иттифоқдошларимиз баҳам кўрадиган ғарб қадриятларига шерик бўладиган нормал мамлакат каби тутса яхши бўларди», — дейди Марк Эспер Парижда ўтган матбуот анжуманида.
Эспернинг сўзларига кўра, Россия АҚШ ўрнатган тартибларга риоя қилиши керак.
«Бу олдинга қараб ҳаракатланишнинг энг яхши усули», — дейди Пентагон раҳбари.
19 август куни Франция президенти Эммануэл Макрон Владимир Путин билан учрашган эди. Музокаралар чоғида Макрон Россиянинг «ҳақиқий Европа мамлакатидир» эканлигига ҳамда «Лиссабондан Владивостоккача» Европага ишонишини айтган эди.