Давлат активларини бошқариш агентлиги: «Э-ижро аукцион»да сотилган 96 та объект муаммоси ўрганилди

«Э-ижро аукцион» электрон савдо орқали сотилган 96 та объект муаммоси бўйича мониторинг ўтказилиб, ечим топилган. Бу ҳақда 6 сентябрь, жума куни Давлат активларини бошқариш агентлиги департаменти раҳбари Жўрабек  Аҳмедов бўлиб ўтган матбуот анжуманда маълумот берди деб хабар берди «Дарё» мухбири.

Аҳмедовнинг таъкидлашича, йил бошида сотилган объектлар билан боғлиқ бир қанча муаммолар кузатилган. Жумладан, айрим ҳокимиятлар, мутасадди ташкилотлар объект сотилганидан кейин уни тадбиркорлик субъектига расмийлаштириб бермаган.

«Ушбу масала юзасидан  96 та объект бўйича мониторинг ўтказилган ва июль ойига қадар ҳал қилинган. Тузилмаган шартномалар бўйича ҳокимларга айниқса туман ташкилотларига огоҳлантириш берилган», — деди Жўрабек  Аҳмедов.

Унинг қўшимча қилишича, ҳал этилмаган масалалар жараён давомида ҳал этиб борилмоқда.