АҚШ президенти Дональд Трамп «Дориан» тўфони ҳаракати тўғрисидаги нотўғри маълумот берди, деб хабар бермоқда Politico. У нотўғри харитага таяниб, тўфон Алабамани ҳам қамраб олишини айтган.
Трамп хонасида олинган суратдан кўринишича, президент намойиш этаётган графикада қора маркер билан қўшимча чизиқлар шундай чизилганки, табиий офат Аламабани ҳам қамраб олган. Бироқ нашрнинг таъкидлашича, бу штат аслида ҳеч қандай хавф остида бўлмаган. Бу дарҳол аниқланмаган, аммо президент у ер хавф остида эмаслигини билганидан кейин ҳам буни таъкидлашда давом этган.
Журналистлар билан бўлган мулоқотда Трамп ўзи айтган гапларни ҳимоя қилиб, Алабамада тўфон бўлиши эҳтимоли дастлаб 95 фоизни ташкил қилганини айтган. Кейинчалик аниқланишича, хавф эҳтимоли 11 фоиздан ошмаган ва метеорологлар бу ҳақда 30 августдаёқ билган.
Хабарда айтилишича, кимдир Трампнинг адашишига сабабчи бўлган ва бу одамни топиш зарур. Чунки табиий офатлар тўғрисида била туриб ёлғон маълумот тарқатганлик учун қонунда жавобгарлик белгиланган.
Трамп 5 сентябрь куни ўзнинг Twitter’даги саҳифасида тўфон Алабамани ҳам қамраб олиши акс этган харитани жойлаштириб, бундай ёлғон маълумот чиқарган муаллифнинг узрини қабул қилишини ёзиб қолдирган.
Дональд Трамп бундан аввал Эрон ракетасини учиришдаги авария ҳақида твит ёзиб, АҚШнинг махфий сунъий йўлдошини ошкор қилиб қўйган эди. Шу кунга қадар сунъий йўлдошнинг нархи салкам 2 миллиард доллар эканлигидан бошқа ҳеч нарса маълум бўлмаган.
Изоҳ (0)