Бухороликлар автомобилларини «тонировка» қилдириш учун 28 кунда 2 млрд сўмдан ортиқ пул сарфлади

Бухоро вилояти ИИБ ЙҲХБ август ойида «тонировка» учун қанча рухсатнома берилгани ҳақидаги статистикани тақдим этди.

2019 йил 30 август куни ҳолатида (рухсат бериш 2 августда бошланган) жами 677 та транспорт воситасига ойналарини «қорайтиришга» рухсатнома берилган. Шундан 587 таси 1-тоифа (орқа ён ойналари), 90 таси 2-тоифа (олд ва орқа ён ойналари, яъни тўлиқ «тонировка») бўйича рухсатномага эга бўлган.

Хусусан, 535 жисмоний шахсга тегишли автотранспорт воситаларига: 475 та 1-тоифа ва 60 та 2-тоифа учун;142 юридик шахсга тегишли автотранспорт воситаларига: 112 та 1-тоифа ва 30 та 2-тоифа учун рухсатнома берилган.

Ушбу рухсатномалар учун 2 312 510 000 (икки миллиард уч юз ўн икки миллион беш юз ўн минг) сўм миқдордаги тўловлар ундирилган.