«Росатом» бош директори Алексей Лихачёв «Российская газета»га берган интервьюсида Ўзбекистонда АЭС қурилиши ҳақида сўзлаб берди. Spot суҳбатнинг асосий жиҳатларига эътибор қаратди.
Лойиҳа қайси босқичда?
Ҳозир Ўзбекистонда энг яхши жаҳон тажрибаларига мувофиқ равишда атом энергетикасидан фойдаланиш хавфсизлигини таъминлаш учун қонунчилик базасини яратиш бўйича фаол ишлар олиб борилмоқда.
Жиззах вилоятидаги Тузкон кўли атрофидаги устувор майдонда тадқиқот ишларининг иккинчи босқичи бошланди.
Бироқ бу якуний маълумотлар бўлмайди, тадқиқот ишларининг тўлиқ циклини якунлаш 2020 йилга мўлжалланмоқда.
Кейин эса танлаб олинган майдонга станцияни қуриш учун лицензия олиш режалаштирилмоқда, ана ундан кейингина бевосита қуриш жараёни бошланади.
Муҳандислик тадқиқот ишларига нафақат ўзбекистонлик ва россиялик, балки халқаро экспертлар ҳам жалб қилинган ҳамда барча жараёнлар халқаро талаблар ва стандартларга мос равишда олиб борилмоқда.
Асосий вазифа — биринчи даражадаги устуворлик—хавфсизликни таъминлаш учун майдон МАГАТЭнинг барча нормаларига жавоб бериши керак.
Экология нима бўлади?
Ҳозирги вақтда сайёранинг барча ўрмонлари йилига 2,5 миллиард тонна карбонат ангидридни ўзлаштиради.
Агар жаҳоннинг барча ишлаётган АЭСлари бугунги кунда кўмир ёки газ станцияларига алмаштирилса, улар йилига 2 миллиард тонна карбонат ангидридни ҳавога чиқаради.
Кўриниб турибдики, атом станциялари сайёранинг деярли «иккинчи ўпкаси».
Бу паст карбонли энергия балансини шакллантиришнинг замонавий тенденцияларига тўлиқ мос келади, бу ерда атом электростанцияси барқарор, прогноз қилинадиган ва энг муҳими, жозибадор электр нархига эга бўлган базавий юк манбаи ҳисобланади.
Иш ўринлари
Ўзбекистон кадрлар тайёрлашга алоҳида эътибор қаратмоқда ва биз ҳам бу йўналишда фаол ҳамкорлик қилмоқдамиз.
3 сентябрь куни Тошкентда жаҳондаги энг яхши ОТМлардан бири деб топилган Миллий тадқиқот ядро университети (МИФИ) филиали очилади.
Минглаб ёшлар яхши таълим олиш имконига эга бўлади.
Бу эса уларга юқори технологиялар соҳаси — атом энергетикаси ёки тегишли муҳандислик соҳаларида иш топиш имконини беради.
Фаолият кўрсатаётган атом электр станциясидаги бир иш жойи инфратузилмада ўнлаб иш ўринларини яратади: қурувчилар, операцион ходимлар, олимлар, хизмат кўрсатувчи ходимлар ва бошқалар. Бу келажакка ишонч бағишлайдиган яхши иш.
Ўзбекистон учун иқтисодий фойдаси
Россия атом электр станциясини қуришнинг халқаро тажрибасини ҳисобга олган ҳолда, «Росатом» лойиҳаси бўйича атом станциясига инвестиция қилинган бир доллар, жумладан, 2 ВВЭР-1200 реактори ва 20-30% даражасида локализация маҳаллий етказиб берувчиларга 1,9 доллар, мамлакатнинг ялпи ички маҳсулотига 4,3 доллар ва солиқ тушумлари шаклида бюджетга 1,4 доллар даромад келтириши мумкин.
АЭС қурилиши— Россия ва Ўзбекистонни яқин юз йилга бирлаштирувчи узоқ муддатли лойиҳа.
Изоҳ (0)