Ижтимоий тармоқларда боғчада бўёқ суюлтиргич ичиб қўйган 5 яшар бола оғир аҳволда реанимацияда эканлиги ҳақида хабарлар тарқалганди. Ҳолат юзасидан Соғлиқни сақлаш вазирлиги қуйидагиларни маълум қилди.
Вазирликка кўра, Хоразм вилояти, Хонқа тумани Мадир қишлоғида яшовчи 5 яшар Шарипов Лочинбек Жасурбек ўғли 32-сонли «Қалдирғоч» болалар боғчасида билмасдан бўёқ суюлтиргич (разбавитель) ичиб қўйгани оқибатида 22 август куни соат 17:10 да туман тиббиёт бирлашмаси қабул бўлимига мурожаат қилган ва шошилинч тез тиббий ёрдам бўлимига ётқизилган. Унга бўёқ эритиш воситасидан заҳарланиш ташхиси қўйилган.
Бўлимда шифокорлар томонидан беморнинг ошқозони ювилиб, зудлик билан интенсив даво муолажалари олиб борилган. Кўрилган тезкор чоралар натижасида бемор аҳволи яхшиланди ва эртаси куни болалар бўлимига ўтказилган. Мазкур бўлимда ҳам даво муолажалари давом эттирилган ҳолда 24 август куни шифокорлар текширувига кўра, аҳволи қониқарли деб топилиб, уйига рухсат берилган.
Бундан ташқари, 28 август куни туман тиббиёт бирлашмасининг бир гуруҳ мутахассислари Шарипов Лочинбек Жасурбек ўғлининг уйига бориб, уни қўшимча кўрикдан ўказган. Текширув натижаларига кўра, боланинг аҳволи қониқарли ва соғлом. Айни пайтда у шифокорларнинг доимий назоратида.
Изоҳ (0)