АҚШнинг Арканзас штати, Уэст Хелен шаҳрида 28 август куни отишма юз берган. Қуролланган шахс уй ичидан туриб, полициячиларга қарата ўт очди, деб хабар беради «Korrespondent.net».
Воқеа жойига махсус полиция гуруҳи етиб келган ва эркакни таслим бўлишга чақирган.
Маълум бўлишича, уй ёнидан икки одам танаси топилган, лекин полиция уларнинг тирик ёки ўлик экани ҳақида маълумот бермаган.
Тахминларга кўра, уй ичида гаровга олинган шахс бўлиши мумкин. Қуролланган кимсанинг шахси ва мақсади нима экани аниқланмаган.
АҚШда сўнгги вақтларда отишмалар кўп кузатилмоқда. Жумладан, 15 август куни Филадельфияда, 4 август Дейтоннинг Орегон туманида, 3 август куни Эль-Пасодаги Walmart супермаркетида шу каби отишмалар юз берган.
Изоҳ (0)