AQShning Arkanzas shtati, Uest Xelen shahrida 28-avgust kuni otishma yuz bergan. Qurollangan shaxs uy ichidan turib, politsiyachilarga qarata o‘t ochdi, deb xabar beradi “Korrespondent.net”.
Voqea joyiga maxsus politsiya guruhi yetib kelgan va erkakni taslim bo‘lishga chaqirgan.
Ma’lum bo‘lishicha, uy yonidan ikki odam tanasi topilgan, lekin politsiya ularning tirik yoki o‘lik ekani haqida ma’lumot bermagan.
Taxminlarga ko‘ra, uy ichida garovga olingan shaxs bo‘lishi mumkin. Qurollangan kimsaning shaxsi va maqsadi nima ekani aniqlanmagan.
AQShda so‘nggi vaqtlarda otishmalar ko‘p kuzatilmoqda. Jumladan, 15-avgust kuni Filadelfiyada, 4-avgust Deytonning Oregon tumanida, 3-avgust kuni El-Pasodagi Walmart supermarketida shu kabi otishmalar yuz bergan.
Izoh (0)