Сибирда жисмоний шахслар томонидан мамлакатга олиб кирилаётган автомобиллар учун бериладиган транспорт воситаларининг паспортлари сони (ТВП) кескин ошиб кетгани маълум бўлди, деб хабар беради «KNews.kg».
2019 йилнинг январидан июль ойига қадар 1244 ТВП берилган, бу эса 2018 йилнинг худди шу даврига нисбатан 3 баробарга кўп демакдир. Новосибирск (613 ТВП) ва Олтой (327 ТВП) божхоналарида ўсиш эса 4 баробардан ортиқроқ. Кемерова (95), Красноярск (43) ва Иркуцк (16) божхоналарида эса кўрсаткичлар бироз паст.
Автомобилларнинг асосий қисми Қирғизистондан (336) олиб кирилган бўлса, иккинчи ўринда Қозоғистон (336) турибди. Арманистон эса 64 кўрсаткич билан учинчи ўринда. Бу каби ўсишга Қирғизистон божхоналарида тўлов ставкаларининг Россияникига нисбатан пастлиги сабаб бўлган.
Юридик шахслар томонидан олиб кирилган транспорт воситалари сонида ҳам ўсиш кузатилган. Ўтган йилгига нисбатан ўсиш 69 фоизга тенг.
Россия божхона қўмитасининг маълум қилишича, Россия ҳудудида Қирғизистонда рўйхатдан ўтган ва 2014 йилнинг 1 январидан кейин импорт қилинган транспорт воситаларидан фақатгина республика фуқаролари фойдалана олади. Уларни сотиш ёки бошқа бир шахсга фойдаланиш учун бериш божхона декларациялари орқали амалга оширилади.
Изоҳ (0)