Нью-Йоркнинг Бронкс ҳудудида қурилаётган уйлардан бирининг қисман қулаб тушиши оқибатида бир киши ҳалок бўлди ва яна беш киши жароҳат олди, деб хабар беради «Korrespondent.net».
Ўт ўчирувчилар қурилиш материаллари остидан бири кишининг жасадини чиқариб олишга муваффақ бўлган, у олинган жароҳатлари оқибатида ҳалок бўлган. Икки нафар жабрланувчининг аҳволи оғир эканлиги айтилмоқда.
NBC телеканалининг маълумотларига кўра, қурилиш ҳавозалари ва конструкция элементлари бино ичида бўлган ишчилар устига қулаб тушган. Улар нима сабабдан қулагани ҳозирча номаълум. Содир бўлган кўнгилсиз воқеа юзасидан маҳаллий ҳукумат суриштирув ишларини бошлаб юборган.
Изоҳ (0)