5—10 сентябрь кунлари Тошкентда қиличбозлик бўйича иккита халқаро мусобақа бўлиб ўтади, дея хабар қилмоқда Миллий олимпия қўмитаси матбуот хизмати.
Дастлабки турнир 5—8 сентябрь кунлари Халқаро қиличбозлик федерацияси шафелигида ўтказилади. Рапира ва шпага йўналиши усталари ўртасида кечадиган FIE Satellite мусобақасида Ўзбекистондан ташқари Россия, Австрия, Англия, АҚШ, Италия, Сингапур, Малайзия, Филиппин, Бразилия, Туркия, Грузия, Афғонистон, Озарбайжон, Туркманистон, Қозоғистон ва Қирғизистон каби мамлакатлар терма жамоалари қатнашади.
9—10 сентябрь кунлари эса Марказий Осиё қиличбозлик конфедерацияси очиқ чемпионати ўтказилади. Тошкентдаги гимнастика спорт саройида бўлиб ўтадиган мусобақада қиличбозликнинг барча йўналишлари бўйича жанглар ташкил қилинади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)