23 август, жума куни Германия чемпионатининг 2-тури старт олди.
Дортмунднинг «Боруссия» клуби «Кёльн» майдонига сафар қилди ва иродали ғалабани қўлга киритди.
Дастлаб мезбонлар 29-дақиқада Доминик Дрекслернинг голидан кейин олдинга ўтиб олди. Бунга меҳмонлар иккинчи бўлим ўрталарига келиб жавоб берди: Жейдон Санчо 70-дақиқада ўзининг кучли зарбаси билан ҳисобни тенглаштирди.
86-дақиқада Ашраф Ҳакими «арилар»ни олдинга олиб чиққан бўлса, ҳакам томонидан қўшиб берилган вақтда Пако Алькасер жамоасининг қарши ҳужумини муваффақиятли якунлаб, ўйиндаги сўнгги голни урди.
Шу тариқа, дортмундликлар кетма-кет иккинчи ғалабани қўлга киритган ҳолда турнир жадвалида пешқадамлик қилмоқда.
Бундеслига
23 август, жума
«Кёльн» – «Боруссия Д» 1:3
Голлар: 1:0 – 29 Дрекслер, 1:1 – 70 Санчо, 1:2 – 86 Ҳакими, 1:3 – 90+4 Пако Алькасер.«Кёльн»: Ҳорн, Эҳизибуэ, Борнаув, Чиҳос, Ҳектор, Шиндлер (Кайнс, 74), Верстрате, Скири, Дрекслер, Кордоба (Теродде, 55), Модест (Ҳегер, 81).
«Боруссия Д»: Бюрки, Пишчек, Аканжи, Ҳуммелс, Шульц (Ҳакими, 62), Вайгль (Брандт, 62), Витцель, Санчо, Ройс, Азар (Бруун Ларсен, 85), Пако Алькасер.
Огоҳлантиришлар: Верстрате (45), Пишчек (58), Эҳизибуэ (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)