Бугун,

  • USD 11095.31
  • RUB 173.84
  • EUR 10772.44

Ўзбекистон Республикаси Ташқи ишлар вазири Абдулазиз Комилов 21 август куни Нур-Султон шаҳрида бўлиб ўтган «Марказий Осиё—АҚШ» («C5+1») форматидаги учрашувнинг навбатдаги учрашувида иштирок этди.

Фото: ЎзА

Фото: ЎзА

ЎзАнинг хабар беришича, Ўзбекистон Ташқи ишлар вазирлиги раҳбари Қозоғистон, Қирғизистон, Тожикистон, Туркманистон ташқи ишлар вазирлари Бейбут Атамкулов, Чингиз Айдарбеков, Сирожиддин Муҳриддин, Рашид Мередов ва АҚШ Давлат котиби ўринбосари Девид Ҳейл билан биргаликда турли соҳалардаги кўп томонлама ҳамкорликнинг жорий ҳолати ва истиқболлари, жумладан, иқтисодий шерикликни қўллаб-қувватлаш, минтақавий хавфсизлик, Марказий Осиёда ва қўшни Афғонистонда тинчлик ва барқарорликка кўмаклашиш масалалари юзасидан фикр алмашган.

Ўзбекистон делегацияси раҳбари Самарқанд шаҳрида 2015 йил ноябрь ойида Марказий Осиё мамлакатлари ва АҚШ ташқи сиёсат идоралари раҳбарларининг биринчи учрашуви чоғида иш бошлаган «C5+1» форматидаги мулоқот самарали маслаҳат механизми сифатида амал қилаётганини таъкидлади.

Тадбирда Марказий Осиёда минтақалараро ҳамкорликни янада кенгайтириш, уни сифат жиҳатдан янги босқичга олиб чиқиш учун зарур барча имкониятларни юзага чиқариш ишлари давом этаётгани қайд этилган.

Минтақа мамлакатлари ва АҚШ ташқи сиёсат идоралари раҳбарлари умумий масалаларнинг биргаликдаги муҳокамаси ва турли масалаларни ҳал қилишда муҳим ўрин тутаётган «C5+1» платформасини қўллаб-қувватлашга тайёр эканлигини тасдиқлаган.

Изоҳ
Asosiy yangiliklar
Дунё
Илон Маск Twitter’да Apple рекламалари тикланганини эълон қилди
Дунё
Туркиянинг Kizilelma қирувчи дрони илк парвозни амалга оширди (видео)
Дунё
Хитой Россияга ҳарбий ёрдам кўрсатдими?