Ҳукуматнинг айрим қарорларига ўзгартириш ва қўшимчалар киритилди (678-сон, 17.08.2019-й.), деб хабар беради «Ҳуқуқий ахборот» Telegram-канали.
Киритилган ўзгартиришларга мувофиқ, бундан буён Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги фармацевтика фаолиятини лицензияловчи орган (аввал Соғлиқни сақлаш вазирлиги) ҳисобланади.
Шунингдек, дори воситаларини ва тиббий буюмларни ишлаб чиқарувчи ва улгуржи реализация қилувчилар устидан назорат ҳам мазкур агентлик томонидан амалга оширилади.
Эндиликда:
дори воситалари ишлаб чиқаришга бериладиган лицензияда дори воситаси тури ҳам кўрсатилади;
лицензия талабгори фармацевтика маҳсулотларини назорат қилиш ва ҳисобга олишнинг ахборот тизимига уланиши ҳамда лицензияловчи органга ҳар ойнинг бешинчи кунидан кечиктирмай ўтган ой учун маълумотлар тақдим этиши лозим.
Изоҳ (0)