Президент ёки монархнинг хотини бўлиш осон иш эмас. Чунки улар доимо омма эътиборида, халқ назарида бўлади. Қиролича деган номга ҳақиқатдан муносиб бўлиш эса аёллардан бир мунча қурбонликларни талаб қилади. Чунки ҳар доим гўзаллик тимсоли ва мамлакат аёлларига намуна бўлиш осон иш эмас.
AdMe ана шундай дунёнинг гўзал ва машҳур биринчи хонимларининг суратларини жамлаб тақдим этди.
Канаданинг биринчи хоними Софи Грегуар турмуш ўртоғи, ҳукумат раҳбари Жастин Трюдо билан мактабда ўқиб юрган кезлари танишган. Йиллар ўтиб, Жастин ва Софи яна хайрия балида учрашиб қолган. Бир неча йил ўтгач, улар турмуш қурди. Айни вақтда уларнинг 3 нафар фарзанди бор. Софи 3 тилда равон сўзлаша олади, бир нечта мусиқа асбобларини чала олади. Шунингдек, у йога бўйича ўқитувчидир.
Аргентинанинг биринчи хоними асли аргентиналик эмас. Бу ерга унинг ота-онаси Яқин Шарқдан кўчиб келган. Айни пайтда мамалакатдаги муваффақиятли тикувчилик компаниясининг асосчисидир. Улар Париж ва Нью-Йоркдаги мода кўргазмаларида ҳам иштирок этган. Кўпчилик уни юқори дид соҳибаси сифатида тан олган. Жумладан, испан тилидаги энг машҳур нашрлардан бири «Hola» Хулиана Авадани дунёдаги энг муносиб биринчи хоним, деб эътироф этган.
Бразилия президенти рафиқасининг махсус кунларга киядиган либослари мамлакатнинг энг яхши стилистларидан бири Мари Лафаетт томонидан яратилган. Биринчи хоним ушбу кўйлакларни ва тўй либосини хайрия кимошди савдосида сотишни режалаштирмоқда. Бундан ташқари, Мишель де Паула эшитишда муаммоси бўлган одамлар учун кўплаб хайрия тадбирларини ҳам ўтказади.
Парагвай президенти Марио Абдо Бенитез Сордамас Лопез Морейранинг илк муҳаббати бўлган. Улар танишган пайтда қиролича атиги 14 ёшда эди.
Пуэрто-Риконинг биринчи хоними сиёсатчининг рафиқаси бўлишдан анча олдин хайрия ва санъатга жуда қизиққан. Талаба сифатида у муҳтож бўлганлар учун маблағ тўплаш бўйича бир нечта ташаббусларни амалга оширган. Пуэрто-Рико губернаторига турмушга чиққандан сўнг, у уйсиз ҳайвонларга ёрдам бериш ва аёллар ҳуқуқлари учун курашишга катта эътибор беришни бошлаган. Унинг хизматлари орол ташқарисида тан олиниб, 2019 йилда у Бутунжаҳон аёллар саммитида ҳам нутқ сўзлаган.
Летисия Ортиз Рокасолано испаниялик журналистлар оиласида туғилган ва отасининг изидан боришга қарор қилган. Ўқишни тугатгач, у испан CNN ва бошқа маҳаллий каналларда ишлаган. 28 ёшида у энг яхши ёш испан журналисти мукофотига сазовор бўлган. Испания тахтининг вориси, Астуриас шаҳзодаси Фелипе билан турмуш қургандан сўнг, карьерасини тўхтатган. 2014 йилда Испания қироли Хуан Карлос I истеъфога чиқиб, уни ўғли Фелипега топширди. Шундай қилиб, Летисия Испания тарихида олий табақага мансуб бўлмаган биринчи маликага айланган. Айни пайтда у фарзандлари Леонор ва Софияни тарбияламоқда.
Сурия президенти Башар ал-Асаднинг рафиқаси Асма ал-Асад Лондондаги муҳожирлар оиласида туғилиб ўсган. У Англиянинг энг қадимги университетларидан бирида таҳсил олган. Ёш Асма ўз соҳасида эрта муваффақият қозонди, Башар Асад билан танишиш эса кейинги фаолиятини ўзгартириб юборди. Учрашувдан бир неча ой ўтгач, Асма ва Башар турмуш қурган. У 4 йил ичида 3 та фарзандни дунёга келтирган.
Асма ал-Асад Британия фуқароси, ҳозир у ерда ота-онаси истиқомат қилмоқда. Аммо Асма Сурияда давом этаётган фуқаролик урушига ҳамда 2018 йилда унга саратон касаллиги ташхиси қўйилганига қарамай, Дамашқда эри билан яшаб келмоқда.
Қизил сочли гўзал Салмага қараб, унинг асл келиб чиқиши ҳақида гапириш қийин. Марокашнинг ҳозирги биринчи хоними араблар оиласида туғилган. Марокаш қиролининг рафиқаси Лалла Сальма саратон фондини бошқаради. Бутунжаҳон соғлиқни сақлаш ташкилоти ушбу фаолияти учун маликани яхши ният элчиси этиб тайинлади.
Изоҳ (0)