Америка университетларига ўқишга кирган ўзбек талабаларига, АҚШда истиқомат қилаётган ўзбекларнинг қариндошларига яқин кунлардан бошлаб виза бериш тўхтатилган.
GreenCard лотереясида ғолиб бўлган ўзбекларнинг кўпчилиги ҳам суҳбатдан ўта олмаяпти.
Ҳозирда бу каби ҳолатлар юзасидан расмий изоҳ берилмаган.
«Қўшни маҳалла» АҚШда нима сабабдан ўзбекларга виза берилмаётгани сабабини аниқлашга уринди.
14 август куни Бруклиндаги озиқ-овқат дўконида ўтказилган рейд натижасида Нью-Йорк шерифининг ходимлари ярим миллион доллардан зиёд қийматдаги ҳужжатсиз тамаки махсулотлари ва спиртли ичимликларни топгани айтилмоқда.
Алкоголли ичимликлар ва сигарет сотишга рухсати бўлмаган озиқ-овқат дўконида, шунингдек, минерал суви идишларига қадоқланган самогон (қўлбола ароқ) ҳам мавжуд бўлган. Расмийлар спиртли маҳсулотлар сотуви учун сохта лицензияни ҳам топган.
«Энг ачинарлиси — тадбир пайти дўконда ишлаётган 32 ёшли Муҳаббат Ежалалова ушбу жиноятларда айбдор деб гумонланиб, ҳибсга олинган», — дейилади хабарда.
АҚШ Давлат Департаментининг маълумотларига кўра, 2018-молия йилида виза олиш учун мурожаат қилган Ўзбекистон фуқароларининг 61,76 фоизи рад жавобини олган.
Изоҳ (0)