Россия бош вазири Дмитрий Медведев Подмосковьеда фавқулодда қўндирилган «Урал ҳаво йўллари» авиакомпаниясининг А321 лайнери учувчиларини давлат мукофотларига тавсия этиш ҳақидаги фармонни имзолади, деб ёзади «РБК».
Медведевнинг таъкидлашича, экипажнинг моҳирона хатти-ҳаракатлари туфайли авиафалокатнинг ва йўловчилар ҳалокатининг олди олинган.
Бош вазирнинг қўшимча қилишича, воқеа жойида ҳодиса сабабларини аниқлаш бўйича комиссиялар ишлайди.
15 август куни «Урал ҳаво йўллари» авиакомпаниясининг А321 лайнери Подмосковьенинг Раменский туманидаги маккажўхори даласига фавқулодда қўнишни амалга оширган. «Жуковский—Симферополь» йўналиши бўйича парвозга кўтарилган самолёт чайкалар галаси билан тўқнашган.
Изоҳ (0)