АҚШ президенти Дональд Трамп Пенсильвания штатида жойлашган Shell нефть-кимё компанияси ходимлари олдида сўзга чиққанда президентлик лавозимини эгаллаб келган вақтда 5 миллиард долларгача маблағ йўқотганини айтди. Бу ҳақда «РИА Новости» хабар бермоқда.
«Эҳтимол бу (АҚШ президенти бўлиш) менга 3 миллиард доллардан 5 миллиард долларгача тушган бўлиши мумкин. Менга барибир, фарқи йўқ. Биласизми, бой бўлсангиз бунинг аҳамияти бўлмайди. Мен шунчаки зўр ишламоқчиман», — деган Трамп.
Унинг айтишича, бундай йўқотишлар тадбиркорлик фаолиятидан воз кечгани ва унга қарши даъволар сабабли «кундалик» қўзғатиладиган суд жараёнлари сабабли мунтазам равишда адвокатларга пул сарфлашга мажбур бўлиши билан боғлиқ. «Президентлик лавозими менга жуда катта пулга тушган», — деб таъкидлаган у.
Шунга қарамай, Трамп президентлик лавозимига қайта сайланиш ниятида эканлигини қўшимча қилган.
NBC телеканали маълумотларига кўра, Трамп солиқ декларациясини эълон қилмагани сабабли, у эълон қилган рақамларни текширишнинг иложи йўқ. Трамп бу декларацияни президентик лавозимидан кетишдан аввал маълум қилишга ваъда берганди. Шунингдек, Трамп аввалроқ ўз бойлигини ёлғондан ошириб кўрсатганлиги фош қилинган.
Изоҳ (0)