Саудия Арабистони подшоҳи таклифига биноан ҳаж ибодатларини адо этаётган ўзбекистонлик бир гуруҳ олимлар Арафот водийсида турли давлатлардан келган нуфузли уламолар билан биргаликда ҳаж амалларини адо этмоқда.
Уламолар Арафот майдонида подшоҳнинг меҳмонларига ажратилган чодирларга жойлашиб, таниқли олиму фузалолар билан мулоқотларга киришиб, илмий-маърифий суҳбатлар қурмоқда.
Ушбу жараёнларда Саудия Арабистонининг марказий телеканаллари мухбирлари ўзбекистонлик уламолардан мамлакатда олиб борилаётган ўзгаришлар ва янгиликлар ҳақида интервьюлар олди.
Арафотдаги ўзбекистонлик уламолар Қурбон ҳайити муносабати билан барча юртдошларни муборакбод этиб, юртда тинчлик-осойишталик неъмати бардавом бўлиши ва халқ фаравонлигини янада зиёда этишини сўраб, дуолар қилмоқда.
Изоҳ (0)