«Ўзбекистон—Германия» дўстлик жамияти янги лойиҳани амалга оширмоқда. Унинг доирасида «Тошкент дурдоналари (маълумотнома)» мобил дастури яратилиб, ишга туширилди.
Лойиҳа Олий Мажлис ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондининг гранти ҳисобига амалга оширилди.
«Ўзбекистон—Германия» дўстлик жамиятидан маълумот беришларича, мобил дастур ўзбек, рус ва немис тилларида бўлиб, хорижлик меҳмонларни Тошкент шаҳрининг тарихий, маданий бойликлари ҳамда машҳур меъморий ёдгорликлари, диний обидалари, музейлари ва театрлари билан таништириш мақсадида яратилган. Дастур нафақат хорижлик сайёҳлар, балки Тошкентни сайр қилмоқчи бўлган ҳар бир киши учун фойдали бўлади.
Дастур Android тизимидаги мобил қурилмаларда ишлашга мўлжалланган бўлиб, осон юкланади. Ундан фойдаланиш бепул, интернетга уланиш талаб этилмайди.
Изоҳ (0)