11 август, якшанба куни «Рома» ва «Реал» клублари ўртасида ўртоқлик ўйини бўлиб ўтди.
Римдаги «Стадио Олимпико»да бўлиб ўтган баҳсда майдон эгалари зафар қучди.
Учрашувнинг 16-дақиқасида Марсело мадридликларни олдинга олиб чиққан бўлса, 34-дақиқада Диего Перотти мувозанатни тиклади.
39-дақиқада Каземиро Марселонинг узатмасини голга айлантирди. Бироқ орадан бир дақиқа ўтиб Эдин Жеко яна ҳисобни тенглаштирди. Иккинчи бўлимда меҳмонлар бир қанча имкониятларга эга бўлди, аммо Пау Лопеснинг сейвлари римликларни мағлубиятдан қутқариб қолди.
Асосий вақтда дуранг қайд этилгач, пенальтилар серияси белгиланди. Унда омад «Рома»га кулиб боқди — 5:4.
Ўртоқлик ўйини
11 август, якшанба
«Рома» (Италия) — «Реал Мадрид» (Испания) 2:2 (2:2, 0:0), пенальтилар серияси - 5:4
Голлар: 0:1 – 16 Марсело, 1:1 – 34 Перотти, 1:2 – 39 Каземиро, 2:2 – 40 Жеко.«Рома»: Лопес, Фасио, Флоренси (Спинассола, 63), Коларов, Жезус, Кристанте, Пеллегрини (Диавара, 62), Дзанёло (Антонуччи, 76), Ундер, Перотти (Клюйверт, 67), Жеко (Шик, 76).
«Реал Мадрид»: Куртуа, Карвахаль (Одриосола, 62), Варан, Милитао, Марсело, Модрич, Вальверде (Винисиус Жуниор, 46), Азар (Иско, 71), Каземиро (Кроос, 62), Начо (Йович, 46), Бензема (Бэйл, 61).
Огоҳлантиришлар: Милитао (63).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)