Суперлига. «Пахтакор» «Бухоро»ни йирик ҳисобда енгди, ОКМК Наманганда ғалабага эришди
10 август, шанба куни футбол бўйича Ўзбекистон чемпионатининг 16-туридан ўрин олган яна иккита учрашув бўлиб ўтди.
«Пахтакор» ўз майдонида «Бухоро»ни қабул қилди ва йирик ҳисобдаги ғалабани қўлга киритди.
Тошкентликлар сафида Марат Бикмаев ва Драган Черан иккитадан голга муаллиф бўлган бўлса, яна бир тўпни Игор Сергев ўз ҳисобига ёздириб қўйди.
Параллел кечган баҳсда «Навбаҳор» Наманганда ОКМКга қарши учрашувда майдонга тушди.
42-дақиқада Зафар Полвонов олмалиқликларни олдинга олиб чиқди. Иккинчи бўлим дебютида мезбонлар ҳисобни тенглаштириши мумкин эди. Бироқ Азиз Турғунбоев пенальтидан фойдалана олмади. Қолган вақтда ҳисоб ўзгармади ва Миржалол Қосимов шогирдлари муҳим ғалабани қўлга киритди.
Суперлига
16-тур
10 август, шанба
«Пахтакор» – «Бухоро» 5:0 (3:0, 2:0)
Голлар: 1:0 – 6 Игор Сергеев, 2:0 – 12 Марат Бикмаев, 3:0 – 23 Драган Черан, 4:0 – 64 Марат Бикмаев, 5:0 – 67 Драган Черан.«Пахтакор»: Элдорбек Суюнов, Хожиакбар Алижонов, Жалолиддин Машарипов, Драган Черан (Ҳусниддин Ғофуров, 75), Игор Сергеев, Егор Кримес, Марат Бикмаев (Достонбек Ҳамдамов, 68), Шерзод Аъзамов, Сардор Собирхўжаев, Владимир Козак (Бобур Асқаров, 81), Фарруҳ Сайфиев.
«Бухоро»: Раҳимжон Давронов, Бобуржон Амонов, Сардор Сулаймонов (Вили Исиани, 71), Беҳруз Шодмонов, Эргаш Исмоилов, Жаба Липартиа, Тоҳир Шамсиддинов (Беҳруз Саъдуллоев, 71), Даврон Умиров (Саламат Қутибоев, 23), Милован Капор, Фатхулло Фатхуллоев, Артём Кулеша.
«Навбаҳор» – ОКМК 0:1 (0:1, 0:0)
Гол: 0:1 – 42 Зафар Полвонов.Аниқ амалга оширилмаган пенальти: Азиз Турғунбоев – 52.
«Навбаҳор»: Ўткир Юсупов, Азимжон Аҳмедов, Шаҳзод Шайманов, Иван Соловёв, Азизбек Турғунбоев, Александр Касян, Обид Жўрабоев, Мирзоҳид Ғофуров, Игор Голбан, Илҳомжон Алижонов, Амирбек Жўрабоев.
ОКМК: Суҳробжон Султонов, Эркин Байдуллаев, Дилшод Жўраев, Элгужа Григалашвили, Санъат Шихов, Зафар Полвонов, Акмал Шораҳмедов, Сардор Раҳмонов, Владислав Касминин, Игор Зонич, Жасур Яхшибоев.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
