Дунёнинг иккинчи рақамли теннисчиси Рафаэль Надаль Канаданинг Монреаль шаҳрида бўлиб ўтган «Мастерс» мусобақасида ғолиб чиқди.
Испаниялик ракетка устаси финал баҳсида жаҳоннинг 13-рақамли теннисчиси Даниил Медведевни мағлубиятга учратди. 1 соат ва 10 дақиқа давом этган учрашув 6:3, 6:0 ҳисобида якун топди.
Бу 33 ёшли Надаль ва 23 ёшли россиялик теннисчи ўртасидаги илк расмий ўйин бўлди.
Шу тариқа, Надаль фаолиятидаги 83-совринни қўлга киритиди. Шунингдек, бу йил ҳисобидан Рафа учинчи совринга эга чиқди. Аввалроқ у «Ролан Гаррос» ва Римдаги «Мастерс» мусобақасида зафар қучганди.
Янада кўпроқ теннис ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)