Самарқандда икки номаълум шахс 25 ёшли Ж.Б. бошқарувидаги Nexia’га йўловчи сифатида ўтириб, Пастдарғом тумани Жума шаҳри Тўрттом маҳалласи ҳудудида ҳайдовчига тан жароҳати етказиб, автомашинани олиб қочган.
ИИВ Жамоатчилик ва ОАВ билан алоқалар бошқармаси хабарига кўра, воқеа 11 август куни соат тунги 01:00 ларда содир бўлган.
Олиб борилган қидирув ишлари натижасида машина Элбек маҳалласи ҳудудидан олд чап ғилдираги ёрилган ҳолда топилган.
Кўрилган чоралар натижасида жиноятни Тўрттом маҳалласида яшовчи, муқаддам судланган 20 ёшли М.О. ва Нуробод тумани Барака кўчасида яшовчи 24 ёшли Х.Н. содир этгани аниқланиб, жиноятчилар қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)