Microsoft корпорацияси принтерлар ва VoIP-телефонлар орқали тармоққа киришга уринган россиялик хакерлар ҳақида маълум қилди, деб хабар беради «Korrespondent.net».
Экспертлар томонидан аниқланган корпоратив тармоқлардаги бузилишлар қурилмалардаги стандарт пароллар ўзгартирилмасдан ишлатилгани, шунингдек, улардан бирининг дастурий таъминоти янгиланмагани сабаб амалга оширилган.
Microsoft мутахассисларининг сўзларига кўра, ҳужумларни Strontium номи билан танилган кибержиноятчилар гуруҳи амалга оширган. Аввалроқ, мазкур гуруҳнинг Россия Қуролли кучлари бош штабига алоқаси борлиги маълум қилинганди. АҚШнинг таъкидлашича, 2016 йилги президентлик сайловларида амалга оширилган киберҳужумлар ортида ҳам айнан шулар туради.
Изоҳ (0)