Давлат активларини бошқариш агентлигида ахборот хизмати ташкил этилди. Бу ҳақда «Дарё»га ахборот хизмати раҳбари Мўмин Ибодов маълум қилди.
Жамоатчиликни тизимда олиб борилаётган ислоҳотлар, янгиланишлардан хабардор қилиш, аҳолига тезкор ва холис ахборотларни етказиш ахборот хизматининг асосий вазифалари этиб белгиланди.
Агентликнинг энг сўнгги янгиликларини «Давактив» Telegram каналида кузатиб бориш имконияти мавжуд.
«Шу муносабат билан барча ОАВ ходимлари, ижтимоий тармоқ вакиллари, мустақил журналистлар ҳамда блогерларни ижодий хамкорлик қилишга таклиф қиламиз», — дейилади ахборот хизмати хабарида.
Изоҳ (0)