Монополияга қарши курашиш қўмитаси томонидан республиканинг 56 та шаҳар ва туманларида ўрганишлар ўтказилди. Бу ҳақда Монополияга қарши курашиш қўмитаси матбуот хизмати маълум қилди.
Қўмита ва унинг ҳудудий бошқармалари томонидан республиканинг 56 та шаҳар ва туманларида ўрганишлар ўтказилиб, 218 та ҳолатда маҳаллий ҳокимликлар томонидан рақобатни чеклайдиган ҳужжатлар қабул қилингани ҳамда рақобатни чекловчи хатти-ҳаракатларни содир этиш аломатлари аниқланган.
Жумладан, Андижон вилояти Асака тумани ҳокимлиги Қишлоқ қурилиш инвест инжиниринг компанияси Андижон филиали директори номига жорий йилнинг 7 январида юборган хатида Асака тумани Ҳумо кўчасида ва Амир Темур мавзесидаги 2 та тўрт қаватли уй-жой биносини қурилиши учун тавсия қилинган Шаҳрихон Юлдузи МЧЖ ва Сапфир Бўстони МЧЖ ўрнига Моҳир меъмор қурувчи МЧЖ ва Идеал Бунёдкор МЧЖни бош пудратчи сифатида алмаштиришни сўраган ва бу билан рақобат тўғрисидаги қонунчилик талабларини бузилишига йўл қўйган.Шунингдек, Қашқадарё вилояти Деҳқонобод тумани ҳокимлиги томонидан Геология ва минерал ресурслар давлат қўмитасига жорий йилнинг 13 апрелида йўллаган хатида доломит қазиб олиш учун КВАРЦ АЖ геологик қидирув ишларини олиб боришлари учун лицензия олиш бўйича танловда ғолиб чиққан тақдирда ҳам, Деҳқонобод туманида солиқ тўловчи сифатида рўйхатдан ўтганидан кейин ер ажратилиши тўғрисида кафолат хати берилиши КВАРЦ АЖга ортиқча, камситувчи шартларни қўйилишга олиб келган.
37 та шаҳар ва туман ҳокимликларига нисбатан «Рақобат тўғрисида"ги Қонун талабларини бузиш аломатлари бўйича ишлар юритувга олиниб, махсус комиссияларда кўриб чиқилди, тегишли тақдимномалар киритилди, рақобатни чеклашга олиб келган 10 та ҳужжат бекор қилинди.
Изоҳ (0)