АҚШнинг Огайо штатида 4 август куни содир бўлган отишма видеоси пайдо бўлди, дея хабар бермоқда «Vesti.ru».
Уни шу штатда жойлашган Беллбрук шаҳрида яшовчи 24 ёшли Коннор Беттс уюштирган эди. Оқибатда 10 киши, жумладан, ҳужумчининг ўзи ҳам ҳалок бўлган, 27 киши яраланган.
Ҳалок бўлганлар орасида жиноятчининг 22 ёшли синглиси ҳам бор. У тасодифан қурбон бўлганми ёки қасддан ўлдирилганми, ҳозирча номаълум.
Аввалроқ Техаснинг Эль-Пасо шаҳрида отишма содир бўлгани ҳақида хабар берилган эди. Ҳужум оқибатида 20 киши ҳалок бўлган, 26 нафари яраланганди. ТИВ АҚШдаги отишмаларда ҳалок бўлганлар орасида Ўзбекистон фуқаролари йўқлигини билдирган.
Изоҳ (0)