5 август куни Тошкент вилоятининг Бекобод шаҳрида яшовчи мактаб ўқувчилари орасида жанжал чиқди. Бу ҳақда Ўзбекистон Республикаси ИИВ жамоатчилик ва ОАВ билан алоқалар бошқармаси хабар қилди.
9-сонли ўрта мактабнинг 10-синф ўқувчиси, 16 ёшли I.А. Бекобод туманида «Навоий» МФЙ ҳудудида ўзаро жанжал оқибатида Шова маҳалласида яшовчи, 40-сонли ўрта мактабнинг 10-синф ўқувчиси, 16 ёшли Д.Т.нинг қорин қисмига ҳамда уларни ажратмоқчи бўлган Бекобод шаҳри Беруний кўчасида яшовчи, 2-сонли ўрта мактабнинг 10-синф ўқувчиси, 15 ёшли Д.А.нинг елка қисмига пичоқ билан уриб жароҳат етказган.
Натижада Д.Т. ва Д.А.лар касалхонага ётқизилган.
Ҳолат юзасидан жиноят иши қўзғатилиб, I.А. ушланган. Тергов ҳаракатлари олиб борилмоқда.
Изоҳ (0)